Bahar moosladhaar baarish shuru ho gayi thi. Hospital ki chhat wali balcony mein Vaidehi bheeg rahi thi. Uski patli, safed kurti baarish mein poori tarah bheegkar uske badan se chipak gayi thi. Uski twacha ki chamak aur uske shareer ka har ubhaar us baarish mein saaf dikh raha tha. Samrat use dekh raha tha. Uski aankhon mein wo aag thi jo sirf Vaidehi ke liye jalti thi. Usne apni shirt utaarkar ek taraf phenki aur ek jhatke mein Vaidehi ko apni taraf kheench liya.

Usne apni mazboot baahon mein Vaidehi ki kamar ko jakad liya. Vaidehi ke badan ki garmahat aur baarish ki thandak ka milan Samrat ke khoon mein ubaal la raha tha. Usne Vaidehi ko deewar se sata diya aur uski gardan ke narm hisse par apna chehra jhuka diya. Vah use paagalon ki tarah choomne laga. Vaidehi ki saansein tez ho gayi thin. Usne Samrat ke baalon mein apni ungliyan phansa lin. Phir Samrat ne uska chehra upar uthaya aur uske honthon ko apne honthon ke beech kaid kar liya. Wo sirf ek kiss nahi thi, balki ek daawa tha. Unki yeh kiss kaafi der tak chalti rahi, jismein sirf junoon aur bepanaah chaahat thi.