Shehar ki chaka-chondh se door, ek purane, jarjar apartment mein sannata tha, jise sirf kamre mein jalti ek dhundhli si bulb ki roshni cheer rahi thi. Kamra kisi art gallery jaisa to nahi, lekin kisi paagalpan ki nishaani zaroor lag raha tha. Deewaron par har taraf Vaidehi ki paintings tangi thinβkahin vah hans rahi hai, kahin mandir ki seedhiyon par baithi hai, to kahin baarish mein bheeg rahi hai.
Rudra, jiske chehre par kai gehre ghaav ke nishan the aur aankhon mein ek ajeeb si chamak, apne haathon mein painting brush liye khada tha. Vah ek nayi painting par kaam kar raha tha. Canvas par Vaidehi ko ek bistar par leta hua dikhaya gaya tha, uske badan par bas ek safed chaadar thi, jo uski komalta ko aur ujagar kar rahi thi. Uska chehra halka gulabi, aankhein nasheeli aur adhkuli... jaise vah kisi gehri tandra mein ho.
Write a comment ...