College ke final year ke exams khatam ho chuke the. Vaidehi ne apni poori taakat apni padhai mein jhonk di thi. Dheere-dheere hi sahi, vah us sadme se bahar aane ki koshish kar rahi thi jo use Mrs. Arora ki baddua aur apne gharwalon ke bartav se mila tha. Samrat ka 24 ghante ka support aur Rukmini Devi ka maa jaisa pyaar Vaidehi ko dheere-dheere normal kar raha tha. Halanki, Vaidehi abhi bhi Samrat se ek ajeeb si doori banakar rakhti thi. Vah raat ko uske seene se lagkar soti zaroor thi, lekin din mein khud ko poori tarah se gambhir aur samajhdar dikhane ki koshish karti. Samrat uska yeh badlav dekhkar andar hi andar tadapta tha, par vah use poora waqt dena chahta tha.