Us aaleeshaan kamre mein jaise waqt ruk gaya tha. Samrat, jo hamesha apni saaf-safai aur perfection ke liye kaafi zyada sakht rehta tha, is waqt bilkul shock mein khada tha. Uski mehengi shirt par Vaidehi ki ulti ke nishaan the, lekin uska dhyaan us gandagi par nahi, balki Vaidehi ke peele pade chehre par tha.

Bahar corridor mein mehmaanon ki awaaz-aahi thi. Agle din ghar mein hone wali badi pooja ki wajah se aaj hi Raghav Pratap Singh ke kai kareebi dost aur rishtedaar apni family ke saath aa chuke the. Unhi mein se ek mahila, jo Mr. Raghav ke business partner ki wife thi, kamre ke khule darwaze ke paas se guzar rahi thi. Jaise hi unki nazar andar ke nazare par padi—jahaan Vaidehi badhawaas haalat mein jhuki hui thi aur Samrat use sambhale hue tha—woh zor se chilla padi.

“Oh my God! Rukmini ji… Raghav bhai sahab! Jaldi aaiye! Khushkhabri hai!”

Unki awaaz poore floor par goonj gayi.

Dekhte hi dekhte drawing room mein baithe mehmaan, Raghav Pratap Singh, Rukmini Devi aur Vaidehi ke mata-pita—Hemlata Devi aur Avinash ji—sab daudte hue kamre mein aa gaye.

“ kya hua? Kyun chilla rahi hain aap?” Rukmini Devi ne sakht lehje mein poocha.

Mahila ne muskuraate hue Vaidehi ki taraf ishara kiya, jo ab bhi ulti kar rahi thi.

“Arey dekhiye na! Bahu rani ko ultiyan ho rahi hain. Time chahe subah ka na ho, lekin signs to wahi hain! Lagta hai Pratap khandaan ka waaris aane wala hai… Vaidehi pregnant hai!”

Yeh sunte hi kamre mein ek pal ke liye sannata chha gaya… aur agle hi pal sab mubarakbaad dene lage.

“Teen mahine ho gaye shaadi ko, ab to good news aani hi thi!” ek buzurg aurat khushi se boli.

“Dekho na chehra kaise utar gaya hai… pregnancy mein aisa hi hota hai.”

Hemlata Devi turant apni beti ke paas baith gayin aur uske sir par haath pherne lagi.

“Lado… theek hai na tu? Doctor ko phone kiya samdhi ji?”

Raghav Pratap Singh ke chehre par halki si muskaan thi. Unhone turant phone nikala.

“Haan, main abhi Doctor D’Souza ko call karta hoon. Woh bas 15 minute mein aa jayenge.”

Rukmini Devi ab bhi khamosh thi. Unke chehre par khushi se zyada shock tha, lekin logon ke saamne unhone bas halki si muskaan rakhi.

In sabke beech Samrat bilkul statue bankar khada tha. Woh tissue paper se apni shirt saaf karne ki koshish kar raha tha, lekin uske kaan un auraton ki baaton ko jaise poison ki tarah sun rahe the.

Uski ungliyaan halka-halka kaanp rahi thi.

Usne dheere se sir uthaya… uski aankhon mein khatarnaak thandak utar chuki thi.

“Pregnant…?” usne bahut dheemi lekin bhaari awaaz mein kaha.

Phir usne Vaidehi ki taraf dekha—uski nazrein ab soft nahi, balki sharp aur almost scary thi.

“Vaidehi…” uski awaaz aur bhi low ho gayi,

“What is this…? Tum… pregnant ho…?”

Uska dimaag poori tarah sunn ho chuka tha. Use saaf-saaf yaad tha—pichhle teen mahino mein usne Vaidehi ko chhua tak nahi tha. Kal raat bhi woh uske kareeb gaya tha, lekin kuch hua hi nahi. Toh phir yeh kaise possible hai?

Kya Vaidehi ne use cheat kiya? Kya woh jo ‘friend’ ke saath hans rahi thi, uska rishta usse bhi zyada gehra tha?

Jaise-jaise log baatein kar rahe the, Samrat ka gussa peak par pahunch chuka tha. Uski aankhen khoon ki tarah laal ho gayi thi. Use aisa lag raha tha jaise uske astitva, uski masculinity aur uske naam ‘Samrat Pratap Singh’ par kisi ne keechad uchhaal diya ho.

Usne ek gehri, thandi saans li… aur phir aisi awaaz mein bola jo dahaad se bhi zyada khatarnaak thi—kyunki woh bilkul calm thi.

“Everyone… OUT.”

Kamre mein achanak sannata chha gaya.

“Samrat beta, hum to bas—” ek rishtedaar ne bolne ki koshish ki.

“I said… GET. OUT.”

Is baar Samrat hila bhi nahi, lekin uski awaaz ki goonj ne sabki rooh tak hila di.

“I can handle my wife. Doctor aane tak yahan koi crowd nahi chahiye. Just leave.”

Uski cold aur deadly tone sunkar sabke paseene chhoot gaye. Rukmini Devi ne turant sabko bahar le jaana sahi samjha. Hemlata Devi rukna chahti thi, lekin Vaidehi ne aansuon bhari aankhon se unhe ishara kiya—jaane ka. Use pata tha, Samrat ka yeh roop kitna dangerous hai.Jaise hi darwaaza band hua, kamre ka mahaul ekdum freeze ho gaya. Vaidehi bed par baithi kaanp rahi thi. Uska pet abhi bhi zyada khane ki wajah se uneasy tha… lekin ab use apne shareer se zyada darr saamne khade insaan se lag raha tha.

Samrat dheere-dheere uski taraf badha. Uske kadmon ki awaaz… Vaidehi ke dil ki dhadkano ke saath sync ho rahi thi.

Achanak usne jhapta maar kar Vaidehi ki kalai pakad li aur jhatke se use khada kar diya.

“Aah… chhodiye… dard ho raha hai…” Vaidehi sisak uthi.

“Pain?” Samrat uske bilkul kareeb aa gaya. Uski garam saansein Vaidehi ke chehre ko chhoo rahi thi.

“Tumhe pain kya hota hai… I’ll show you.”

Uski pakad aur kas gayi.

“Answer me… are you pregnant?”

Vaidehi ki aankhen shock se phail gayi.

“Ye… ye aap kya bol rahe hain?”

“Question simple hai!” Samrat ki awaaz aur thandi ho gayi.

“Whose child is this? Us ‘friend’ ka… jiske saath tum college mein time spend karti ho?”

Woh aur jhuk gaya, uski aankhen seedha Vaidehi ki aankhon mein dhans gayi—

“Ya phir koi aur hai… jisse tum secretly milti ho… is house ki respect ko daav par lagane ke liye?”

Vaidehi ke pairon tale zameen khisak gayi.

Use yakeen hi nahi ho raha tha… ki uska khud ka pati us par itna ghatiya ilzaam laga sakta hai.

“Na… nahi! Aap galat samajh rahe hain… I’m not pregnant! Maine bas zyada kha liya tha…”

“Don’t lie!” Samrat zor se chillaaya.

“Tum mujhe fool samajhti ho? Puri duniya chilla rahi hai ki tum mother banne wali ho… aur tum keh rahi ho you just overate? Seriously?”

Woh aur kareeb jhuk gaya, uski aankhon mein khatarnak gussa saaf dikh raha tha—

“Cheating on me? Meri silence ka yeh fayda uthaya tumne?”

Vaidehi ke gaalon par aansu behne lage.

“Samrat… please meri baat suniye… maine aapko kabhi dhokha nahi diya… I don’t love anyone else… main sirf aapki wife hoon…”

Uski awaaz kaanp rahi thi—

“Aap trust kyun nahi karte mujh par? Doctor ko aane dijiye… sab clear ho jayega… kyun unnecessary drama kar rahe hain?”

Is waqt Samrat ka junoon uski soch par haavi ho chuka tha. Use sirf wahi baatein yaad aa rahi thi jo bahar logon ne kahi thi. Uske liye “betrayal”… maut se bhi badtar tha.

“Trust?” usne halki, kadvi hansi hansi.

Uski awaaz aur thandi ho gayi—

“But I never thought… you’d stoop this low.”

“Dard ho raha hai… chhod dijiye na… please…” Vaidehi dard se sisak uthi.

Ek pal ke liye Samrat ka dil halka sa pighla… uski masoom aankhen dekhkar… lekin uska ego aur anger zyada strong tha.

Woh yeh soch bhi bardaasht nahi kar paa raha tha ki uski Vaidehi kisi aur ke saath ho sakti hai… jis ladki ke liye usne poore 15 saal intezaar kiya tha.Achanak usne use zor se peeche dhakka diya.

Vaidehi ladkhada kar bed ke kinaare gir gayi.

Samrat khud par se control khota ja raha tha. Woh muda aur tez kadmon se balcony ki taraf chala gaya.

Usne railing ko itni zor se pakda ki uske haath ki nasein ubhar aayi.

Uski ek aankh se ek aansu nikal kar gaal par fisal gaya…

Saansein bhaari thi… jaise koi wounded animal apne hi dard se lad raha ho.

Ab uske chehre par koi expression nahi tha…

Bas aankhen… khoon ki tarah laal.

Use khud se nafrat ho rahi thi—

kya use zyada gussa is baat par tha ki Vaidehi ne use dhokha diya… ya is baat par ki woh sach jaankar bhi use hurt nahi kar paa raha?

Kamre mein sirf Vaidehi ki dabe-dabe rone ki awaaz goonj rahi thi.

Woh apni kalai sehla rahi thi… jahan Samrat ki ungliyon ke neele nishaan saaf dikh rahe the.

Tabhi darwaaze par zor se knock hua.

“Samrat beta, Doctor D’Souza aa gaye hain…” bahar se Raghav Pratap Singh ki awaaz aayi.

Samrat ne jaldi se apna chehra saaf kiya, shirt ke button theek kiye… aur Vaidehi par ek thandi, bejaan nazar daali.

Us nazar mein saaf warning thi—

“If the report says anything wrong… tonight will be your last night.”

Woh jaakar darwaaza kholta hai.

Doctor andar aate hain… unke peeche nurse bhi thi.

Vaidehi ne kaampati hui nazron se doctor ko dekha.

Use pata tha… woh innocent hai…

Lekin Samrat ke shak ne uske dil ke us hisson ko tod diya tha…

jo shayad is rishte ko ek chance dena chahta tha.

Doctor D’Souza ne jaise hi apna stethoscope hataya aur Vaidehi ki pulse check ki… kamre mein aisa sannata tha ki kisi ki saans tak suni ja sakti thi.Samrat ek kone mein khada tha… uski fists ab bhi tightly clenched thi… aur nazrein floor par tiki hui thi.

“Everyone relax,” doctor ne halki smile ke saath kaha, aur kamre ka heavy mahaul thoda halka ho gaya.

“Koi tension wali baat nahi hai… aur na hi koi good news hai.”

Sabki nazrein ek saath unki taraf uth gayi.

“Mrs. Pratap Singh ne bas zarurat se zyada aur thoda ulta-seedha kha liya hai. Gastric reflux aur overeating ki wajah se vomiting hui hai. That’s it.”

Yeh sunte hi Rukmini Devi ke chehre par relief ke saath halki si disappointment bhi dikh gayi.

Raghav Pratap Singh ne lambi saans chhodi—

“Thank God… mujhe to laga pata nahi kya ho gaya.”

Doctor ne prescription pad par likhte hue kaha,

“I’ve prescribed some medicines… yeh antacids hain aur digestion ke liye.”

Phir unhone halki muskaan ke saath Vaidehi ki taraf dekha—

“And next time… canteen ka poora menu akele khatam karne ki koshish mat kijiye ga.”

Jaise hi doctor ne medicines Vaidehi ke saamne rakhi… usne muh bana liya. Use dawaaiyon se hamesha se nafrat thi.

Rukmini Devi, jo abhi tak strict bani hui thi… achanak soft ho gayin.

Woh aage badhi aur Vaidehi ke sir par haath rakha—

“Pagal ladki… dara hi diya tha sabko. Kal ghar mein kuldevi ki badi pooja hai… aur aaj tumhari yeh haalat?”

Unhone pyaar se kaha—

“Ab bas rest karo.”

Hemlata Devi aur Avinash ji bhi uske paas aakar baith gaye.

Poora ghar ab Vaidehi ke aas-paas tha… use woh care aur attention mil raha tha jiski woh haqdar thi.

Lekin…

Uski nazrein baar-baar kamre ke us kone mein ja rahi thi—

Jahaan Samrat ab bhi chup khada tha… bilkul silent…

jaise kuch hua hi nahi…

Ya phir… jaise uske andar kuch tootkar bikhar chuka ho.

Uski aankhon mein ab gussa nahi tha…

bas ek dangerous khamoshi thi—

“I was wrong…”

ya shayad…

“This isn’t over yet.”

---

Raat ke 11 baj rahe the. Ghar ke saare guests so chuke the.

Vaidehi apne kamre mein bed par baithi khidki ke bahar dekh rahi thi. Uska chehra gusse se laal tha. Usne dinner karne se saaf mana kar diya tha. Gharwalon ko laga uski tabiyat kharab hai… isliye woh nakhre kar rahi hai…

Lekin uske dimaag mein kuch aur hi chal raha tha.“Itni badi baat bol di unhone!” usne mann hi mann socha.

“Mere character par sawaal utha diya? Seriously? Main unhe aisi lagti hoon?”

Woh aur chidh gayi—

“Upar se mera favorite biryani bhi nahi bana… wahi boring ubli hui khichdi bhej di saasu maa ne!”

Gusse mein usne saamne rakhi chhoti tea-table par zor se laat maari—

“Sab ke sab useless hain! Especially woh khadoos professor!”

Tabhi door khula.

Samrat andar aaya. Uske haath mein khane ki plate thi.

Jaise hi Vaidehi ki nazar us par padi… uska saara sher wala gussa ekdum se gayab ho gaya.

Woh turant seedhi hokar baith gayi… dil tez dhadakne laga.

Samrat bina kuch bole uske paas aaya. Usne table seedhi ki aur plate us par rakh di.

Phir woh uske saamne baith gaya.

Aaj uski aankhon mein woh dopahar wala madness nahi tha…

bas ek ajeeb si silence thi.

“Eat.”

Uski awaaz dheemi, heavy… aur control mein thi.

“Mujhe nahi khana! You can leave…” Vaidehi ne himmat jutakar kaha…

lekin uski awaaz halki si kaanp rahi thi.

Samrat ne gehri saans li… aur thoda sir jhuka liya.

“Vaidehi…”

uski awaaz pehle se bhi dheemi ho gayi—

“I’m sorry.”

“I shouldn’t have said all that… I crossed the line.”

Vaidehi ki aankhen shock se badi ho gayi.

Samrat Pratap Singh… sorry bol raha hai?

“Us waqt mujhe kuch samajh nahi aa raha tha…” Samrat ne dheere se kaha. Uski awaaz mein ek ajeeb sa dard tha.

“I just… lost it. I couldn’t think straight…”

Woh ek pal ke liye ruk gaya…

“I was imagining you with someone else… and that just—”

woh apni baat adhuri chhodkar chup ho gaya.

Uske andar shabdon ka toofan chal raha tha—

“Vaidehi… tumhe andaaza bhi nahi hai… 15 saal… 15 saal se main tumhe chahta hoon… tum meri sab kuch ho… I can’t lose you… not to anyone…”

Lekin yeh sab uske honton tak nahi aaya.

Vaidehi ne gusse mein kaha—

“Sorry bol dene se sab theek nahi ho jaata!”

Uski aankhon mein aansu the… lekin awaaz strong thi—

“Meri koi self-respect nahi hai kya? Aap mujh par chilla sakte hain, mujhe daant sakte hain… lekin mere character par sawaal?”

Woh aur taddak kar boli—

“I may be annoying… I may trouble you… but I am NOT characterless!”

Samrat achanak aage badha aur uska haath pakad liya.

Uska touch itna intense tha… ki Vaidehi ke poore shareer mein jaise current daud gaya.

“Maine kaha na… I’m sorry,” usne uski aankhon mein dekhte hue kaha.

Is baar uski awaaz mein ego nahi… sincerity thi.

Vaidehi ne attitude dikhate hue haath chhudane ki koshish ki—

“Theek hai… fine! Maaf kiya aapko… lekin next time aisa kuch bola na… seedha jail bhijwa dungi! Mere papa ki pahunch police tak hai!”

Samrat ke honton par halki si rare smile aayi—

“Really?”

Woh thoda jhuka—

“Aur tumhe pata hai… tumhare husband ki reach kahaan tak hai?”

Usne halki si muskaan ke saath kaha—

“Home Minister tak.”

Vaidehi thodi awkward hokar sharma gayi. Usne nazrein chura li—

“To… ab to believe ho gaya na… ki I’m not pregnant?”

Bas… yahi sawaal tha… jisne mahaul phir se badal diya.

Samrat ki smile dheere-dheere gayab ho gayi.

Uski aankhon mein phir wahi deep, dangerous intensity utar aayi.

Woh dheere-dheere uske kareeb jhuka…

usne uske baalon ko apni ungliyon mein halki si pakad liya.

“So…” uski awaaz dheemi… almost whisper jaisi thi—

“Ab koi doubt nahi hai…”

Woh uski aankhon mein dekhte hue ruk gaya—

“Good.”

Vaidehi ki saansein tez ho gayi.

Uska dil zor se dhadak raha tha.

Woh peeche hatne lagi—

“S… Samrat… aap—”

Samrat ne halki si smirk ki…

uski nazrein us par tiki rahi—

“Relax…” usne dheere se kaha…

“I’m not going to hurt you… so agar tum chaho to main tumhe pregnant kar sakta hoon.”

---

Kya hone wala hai aage?

Kya Vaidehi kabhi jaan payegi ki Samrat use kitna pagalpan ki had tak chahta hai?

Kya unke rishte mein sab kuch theek hoga… ya kahani aur zyada ulajhne wali hai?

Yeh jaanne ke liye padhte rahiye… 👀🔥

Agar aapko yeh story pasand aa rahi hai, to jaldi se comment karke batayiye…

aur apni rating dena bilkul mat bhooliye! ❤️

Kyunki aage kahani aur bhi zyada intense, twisted aur dark romance se bhari hone wali hai… 😈✨