Samrat ne Vaidehi ko deewar aur apne beech jakad rakha tha. Uski pakad mein koi softness nahi thi—bas ek khatarnak sa junoon tha, jo pyaar se zyada possession lag raha tha.

Woh use baar-baar kiss kar raha tha, jaise us par khud ka koi control hi na ho.

Vaidehi ki saansein tez ho gayi. Use sach mein dam ghutne jaisa feel ho raha tha. Uski aankhon mein darr saaf dikh raha tha, aur aansu chupchaap uske gaalon par beh rahe the.

Usne apne chhote-chhote haathon se Samrat ko peeche dhakelne ki koshish ki… lekin Samrat jaise patthar ban gaya tha.

“Saans… lene mein… problem ho rahi hai… please… leave me…” Vaidehi ki awaaz kaanp rahi thi, lekin uske shabd Samrat tak pahunch hi nahi pa rahe the.

Achanak Samrat peeche hata.

Lekin usne Vaidehi ki dono baazuon ko itni zor se pakda hua tha ki uski ungliyon ke nishaan uski twacha par saaf dikhne lage.

Samrat ki aankhen laal thi—gusse se, pagalpan se… ya shayad kisi aur gehri feeling se.

Woh sirf 26 saal ka tha… lekin uski personality aisi thi ki bade-bade log uske saamne jhuk jaate the.

Aur is college mein… woh kisi king se kam nahi tha.

“Saans lene mein dikkat ho rahi hai?” Samrat ki awaaz ek ghayal sher jaisi bhaari aur khatarnak thi. “Yeh dikkat tumhe tab yaad aani chahiye thi jab tum apne us so-called friend ke saath hans-hans kar baatein kar rahi thi! Did you even remember for a second ki tum kiski ho?”

Vaidehi ka poora sharir kaanp raha tha. Usne rote hue dheere se nazar uthayi. “Woh sirf ek dost hai…”

“Shut up!” Samrat chillaaya. Uski awaaz itni tez thi ki table par rakha paperweight tak hil gaya. “Tum meri wife ho. Samrat Pratap Singh ki wife! Aur tum kisi doosre ladke se itni casually baat kar rahi thi? Do you even realize tum kis aag se khel rahi ho?”

Vaidehi ki aankhon se aansu lagataar beh rahe the. Usne himmat jutayi aur kaanpti awaaz mein kaha— “Aaj… aaj aapko yaad aaya ki main aapki wife hoon? Pichhle teen mahino se aapne mujhse theek se baat tak nahi ki. Is ghar mein main aapke liye bas ek shadow hoon… aur aaj aap mujh par haq jata rahe hain?”

Samrat ke honton par halki, kutil muskaan aa gayi. Usne achanak Vaidehi ko apni taraf kheench liya. Ab dono ke beech sirf kuch inch ka faasla tha.

“Haq?” usne uske kaan ke paas jhukkar dheeme lekin khatarnak lehje mein kaha, “You are my wife, Vaidehi. Tum mujh par apna haq samjho ya nahi… but you belong to me. Poori tarah. I can do whatever I want, whenever I want. Meri chup ko meri weakness mat samajhna.”

Vaidehi ne use avishwas se dekha.

22 saal ki woh ladki, jo abhi apni padhai poori kar rahi thi… usne kabhi nahi socha tha ki uska shaant, disciplined professor husband andar se itna possessive hoga.

Samrat is college ka sabse powerful aur influential professor tha… lekin Vaidehi ke liye, woh bas ek ajnabi pati tha— jisne teen mahino mein use kabhi pyaar se dekha tak nahi.Achanak Samrat ne use jhatka dekar chhod diya, jaise khud par hi gussa aa gaya ho.

Woh muda aur kaanch ki badi khidki ke saamne jaakar khada ho gaya, jahan se poora campus dikh raha tha.

Uski peeth ab Vaidehi ki taraf thi.

Kamre mein phir se wahi bhaari sannata chha gaya.

Vaidehi wahi khadi kaanp rahi thi, apni bikhri hui kurti ko theek karte hue.

“Get out.” Samrat ki awaaz ab thandi aur bejaan thi.

“Get out from my cabin, Vaidehi… before I lose control again.”

Vaidehi ne ek pal ke liye uski taraf dekha. Uski siskiyaan ab aur gehri ho gayi thi.

Use samajh nahi aa raha tha—

woh is insaan se nafrat kare… ya us haq par khush ho jo usne aaj pehli baar dikhaya tha.

Bina kuch kahe, usne apna bag uthaya aur rote hue darwaze ki taraf bhaagi.

Darwaza zor se band hua.

Kamre mein akela khada Samrat apni mutthiyan bheenche raha.

Deewar par laga aaina uski jalti hui aankhon ko saaf dikha raha tha.

---

College mein jo hua tha, uska darr abhi bhi Vaidehi ke dil mein zinda tha.

Uska dil aise dhadak raha tha jaise koi dara hua parinda pinjre mein phadphada raha ho.

Samrat ke cabin se nikalne ke baad usne ek baar bhi peeche mudkar nahi dekha.

Woh tez kadmon se college ke gate se bahar nikal gayi.

Samrat Pratap Singh… is sheher ke sabse ameer aur powerful khandaan ka waaris.

Lekin usne kabhi Vaidehi ko apni car mein baithne tak nahi diya.

Teen mahine ki shaadi…

Duniya ke liye woh husband-wife the,

lekin college mein—sirf ek professor aur ek student.

Samrat hamesha apni black Mercedes mein akela nikalta…

aur Vaidehi ko har baar auto ya bus se jaana padta.

Aaj bhi wahi hua.

Vaidehi ne apne aansu ponchhe, ek auto liya… aur us aali-shaan apartment ki taraf chal di—

jahan uska intezaar… shayad ek aur saza kar rahi thi.

Sheher ke sabse posh ilaake mein bana 25th floor ka woh penthouse kisi mahal se kam nahi tha.

Jaise hi Vaidehi ne bhaari, nakkashi-daar darwaza khola… andar sab kuch hamesha ki tarah hi tha—

thanda, formal… aur bilkul bejaan.

Drawing room mein uski saas, Rukmini Devi, phone par kisi party ki baatein kar rahi thi.

“Haan, catering perfect honi chahiye… koi kami nahi honi chahiye,” unki awaaz tez aur hukum dene wali thi.

Unhone ek nazar Vaidehi par daali…

aur phir nazrein hata li.

Sofa ke doosri taraf uske sasur, Raghav Pratap Singh, chai ke saath business newspaper padh rahe the.

Unhone akhbaar se nazar uthayi—

“Der ho gayi aaj?”

“Ji… library mein kaam tha,” Vaidehi ne dheeme se kaha.

Uski awaaz kaanp rahi thi…

lekin is ghar mein koi itna kareeb nahi tha ki woh us kampkapi ko mehsoos kar sake.

Yahaan sab kuch ‘normal’ tha.

Jaise kuch hua hi nahi.Shaam ke kareeb 8 baje Samrat ghar aaya.

Hamesha ki tarah—calm, composed… aur bilkul unreadable.

Dining table par sab saath baithe.

Samrat apne parents se business aur college ki baatein karta raha…

Lekin usne Vaidehi ki taraf ek baar bhi nahi dekha.

Jaise dopahar ka woh toofaan…

uske liye koi maayne hi nahi rakhta.

Vaidehi chupchaap khana kha rahi thi…

ya yun kaho—niglane ki koshish kar rahi thi.

Uske liye ab sabse zyada darawani cheez Samrat ka gussa nahi…

balki uski yeh khamoshi thi.

Khana khatam hote hi woh apne kamre mein chali gayi.

Kamra 25th floor ke kone mein tha.

Badi-badi glass windows khuli hui thi.

Thandi hawa andar aa rahi thi…

aur makhmali parde halki-halki ud rahe the.

Vaidehi khidki ke paas khadi hokar neeche sheher ki roshni dekh rahi thi.

Use rona tha…

lekin shayad uske aansu bhi ab thak chuke the.

Kareeb 11 baje darwaza khula.

Samrat andar aaya.

Usne apni ghadi utari, coat nikala… aur bina kuch bole laptop kholkar kaam karne laga.

Kamre mein phir wahi khamoshi phail gayi.

Vaidehi bed ke doosre kinare jaakar let gayi.

Usne apni aankhen band kar li… jaise neend use is sab se bacha legi.

Kuch der baad—

Bed ka ek hissa daba.

Aur Vaidehi ka dil zor se dhadakne laga.

Samrat ne laptop side mein rakh diya tha.

Agla hi pal…

woh uske bahut kareeb tha.

Uski presence… uski garmi… uski khushboo—

sab kuch Vaidehi ko gherne laga.

“So gayi?” Samrat ki bhaari awaaz uske kaanon ke paas goonji.

Vaidehi ne dheere se aankhen kholi aur uski taraf palti.

Uski nazar… waisi hi thi—

ziddi, teekhi… aur khatarnak.

“Main… main sone wali thi. You should sleep…”

usne chadar ko kas kar pakadte hue kaha.

Kamre mein hawa ab bhi chal rahi thi…

lekin mahaul achanak bhaari ho chuka tha.

Kuch hone wala tha—

kuch aisa… jo shayad is rishte ki direction badalne wala tha.

Samrat ne dheere se apna haath badhaya aur Vaidehi ke chehre par bikhre baalon ko side kar diya.

“Tonight… I’m not in the mood to sleep, Vaidehi.”

Vaidehi ka dil tez dhadakne laga.

“Matlab…?”

Samrat thoda aur kareeb jhuka. Uski awaaz dheemi thi, lekin usme ek ajeeb sa dabaav tha.

“Matlab yeh ki tum meri wife ho… aur aaj mujhe apna woh right chahiye… jo maine pichhle teen mahino se ignore kiya hai.”

Vaidehi jaise sunkar jadd ho gayi.

“Nahi… yeh kaise…? Aap toh mujhe pasand bhi nahi karte… aap toh mujhse theek se baat tak nahi karte… phir achanak aaj yeh sab kyun?”

Samrat ki aankhon mein thandi chamak utar aayi.

Usne uski kalai pakdi aur use halka sa apni taraf kheench liya.“Like karna ya na karna… yeh emotional baatein hain, Vaidehi,” usne thande lehje mein kaha.

“Main tumhe pasand karta hoon ya nahi… that doesn’t matter. Matter yeh karta hai ki tum meri ho. Aur ek husband ka apni wife par kya haq hota hai… I don’t think mujhe woh explain karne ki zarurat hai.”

“Lekin yeh galat hai!” Vaidehi ne turant virodh kiya.

“Aap yeh sab gusse mein kar rahe hain… kyunki aapne mujhe us ladke ke saath dekha. You’re just taking revenge!”

Samrat ka chehra aur sakht ho gaya.

Agla hi pal usne Vaidehi ko bed par rok liya. Uski pakad mazboot thi… aur Vaidehi khud ko chhuda nahi paa rahi thi.

“Tumhe lagta hai tumhe mere baare mein sab pata hai… right?”

Woh uske behad kareeb aakar bola.

“Tumhe lagta hai ki main chup rehta hoon toh mujhe farq nahi padta? That I don’t care?”

Uski awaaz aur dheemi ho gayi—lekin ab usme khatarnak thandapan tha.

“Aaj ke baad yeh misunderstanding apne dimaag se nikaal dena.”

“Chhodiye mujhe… please, Samrat…”

Vaidehi ki aankhon mein phir aansu bhar aaye.

“Just stop resisting,” Samrat ne sakht awaaz mein kaha.

“Biwi ho meri. Maine ab tak khud ko roka hai… but not anymore. Aaj mujhe mera haq chahiye… aur main lekar rahunga. Chahe tum use pyaar samjho… ya meri zid.”

Kamre mein thandi hawa tez ho gayi thi.

Parde zor se hil rahe the… aur khidki se aati chaandni seedha Samrat ke chehre par pad rahi thi.

Uske chehre par ab koi softness nahi thi—

sirf control… aur ek ajeeb sa ego.

Vaidehi ne uski aankhon mein dekha…

aur usi pal samajh gayi—

Aaj raat woh us Samrat Pratap Singh ke saamne hai…

jo haarna nahi jaanta.

Kamre mein khamoshi thi…

lekin us khamoshi ke andar toofaan uth chuka tha.

---

Kamre mein phaili khamoshi ab bhaari ho chuki thi.

Vaidehi ki saansein tez thi… aur Samrat ki pakad ab bhi utni hi mazboot.

Kuch seconds…

ya shayad kuch pal—

dono ke beech bas wahi tension tha, jo hawa ko bhi bhaari bana raha tha.

Samrat ne use usi tarah pakde rakha… lekin achanak—

uski nazar Vaidehi ke chehre par thehar gayi.

Aansuon se bheega chehra…

darr se kaanpti palkein…

aur honth, jo kuch kehna chahte the… lekin keh nahi paa rahe the.Uski pakad thodi dheeli hui.

Bas thodi.

Vaidehi ne turant khud ko peeche kheenchne ki koshish ki…

lekin Samrat ne is baar use roka nahi.

Woh bas use dekhta raha.

Pehli baar…

us nazar mein gusse ke saath kuch aur bhi tha—

kuch aisa, jise woh khud bhi samajh nahi pa raha tha.

“Tum… mujhse darti ho?”

usne dheeme se poocha.

Vaidehi ne jawab nahi diya.

Lekin uska kaanpta hua sharir hi uska jawab tha.

Samrat ne nazrein pher li.

Usne gehri saans li… jaise khud se lad raha ho.

Phir achanak—

woh usse door hat gaya.

Vaidehi ne hairani se uski taraf dekha.

Woh uthkar khidki ke paas chala gaya.

Thandi hawa uske baalon ko hila rahi thi…

lekin uske andar jo toofaan tha, woh kisi ko dikhai nahi de raha tha.

“Go to sleep,” usne dheeme lekin sakht lehje mein kaha.

Vaidehi kuch seconds tak wahi baithi rahi…

use samajh hi nahi aaya ki abhi kya hua.

Kuch der pehle wahi insaan…

jo use apne haq ke naam par majboor kar raha tha—

ab khud usse door khada tha.

Woh dheere-dheere bed ke kone mein simat gayi…

aur chadar apne charon taraf lapet li.

Uski aankhen ab bhi nam thi…

lekin unmein darr ke saath-saath ek aur feeling bhi thi—

uljhan.

Samrat khidki ke saamne khada raha.

Uski mutthiyan bheenchi hui thi.

“Why does it matter…”

woh khud se budbudaaya.

“Why does she matter…?”

Use gussa aa raha tha—

khud par.

Kyunki woh use chot pahucha sakta tha…

lekin usne khud ko rok liya.

Aur yahi baat use aur bechain kar rahi thi.

---

Peeche bed par—

Vaidehi dheere-dheere let gayi.

Uski aankhen band thi… lekin neend usse koson door thi.

Har baar jab woh aankhen band karti—

use Samrat ki wahi nazar yaad aati.

Woh gussa…

woh adhikaar…

aur phir achanak… woh ruk jaana.

Kamre mein ab sirf hawa ki awaaz thi.

Do log—

ek hi kamre mein…

lekin dono apne-apne andar ke toofaan se lad rahe the.

---

Agli subah

Subah ki halki roshni khidki se andar aayi.

Vaidehi ki aankh khuli—

aur sabse pehle uski nazar Samrat par gayi.

Woh sofa par baitha tha…

laptop khula hua tha, lekin uski nazar screen par nahi thi.

Woh bas chup tha.

Bahut chup.

Vaidehi dheere se uthi…

usne kuch kehne ki koshish ki—

lekin shabd gale mein hi atak gaye.

Samrat ne uski taraf dekha.

Is baar uski aankhon mein woh pagalpan nahi tha…

lekin softness bhi nahi thi.

Bas ek doori thi.

Ek deewar…

jo raat mein khadi hui thi.

“Ready ho jao,” usne seedha kaha.

“College jaana hai.”

Jaise kuch hua hi nahi.

Vaidehi ne dheere se sir hila diya.

---

Toh kya hone wala hai is nayi kahani mein… jaanne ke liye jude rahiye!

Umeed hai aapko Vaidehi aur Samrat ka character bhi meri baaki kahaniyon ki tarah pasand aayega.

Yeh kahani bhi dark romance, intense emotions aur dangerous twists se bhari hone wali hai…

jahan pyaar hoga, lekin apne sabse khatarnak roop mein.

Aapko ismein junoon bhi milega, darr bhi…

aur woh feeling bhi jo aapko kahani se baandhkar rakhegi.

Toh jude rahiye is safar ke saath…

aur haan—

apna pyaar dikhana mat bhooliye ❤️

Comment zaroor karein, apni raay batayein…

aur kahani ko rating dena bilkul na bhoolen!